Хүүхдийн сэтгэл зүйн онцлог

Эрдэмтэд хүүхдийн сэтгэл зүйн онцлогийг нас наснаас нь хамаарч үндсэн таван үе шатад хуваасан байдаг. Энэ нь хүүхдийг нярай үеэс нь эхлээд насанд хүртэлх эдгээрийн хоорондох сэтгэл зүйн ялгаа болон шилжилтийн үеийн сэтгэл зүйн онцлогийг тусгасан байна. Ингээд хүүхдийн нас наснаасаа хамаарсан сэтгэл зүйн онцлогуудыг доор дурьдлаа.

I үе шат. Нярайн үе.

Энэ үе шат маш чухал үе шатуудын нэг юм. Учир нь энэ үед л хүүхдэд гэр бүлийнх нь хайр халамж, орчин тойрноо мэдрэх гээд бүхий л ертөнцтэй танилцах үе шат байдаг. Иймд хүүхдийг тэвэрч, түүн рүү инээж, бүүвэйлж, түүнтэй ярилцах нь хамгийн чухал. Энэ шатанд элдэв цээр, албадлага ашиглалгүйгээр өөртэй нь ингэж харьцаж байгаа нь цаанаа ямар нэгэн утгатай гэдгийг ойлгуулах нь маш чухал.

Нярай хүүхдийн бас нэг чухал зүйл бол итгэл бөгөөд энэ нь нялх хүүхдийн хөгжлийн үндсэн хэрэгцээ гэж ойлгож болно. Хүн амьдралынхаа эхний долоо хоногуудад бие болоод сэтгэлзүйн хувьд эрүүл хүн болох анхны суурь нь тавигддаг байна. Өөрөөр хэлбэл нялхас эрүүл өсөж бойжихоос гадна сэтгэлзүйн төлөвшил нь бие даасан, итгэлтэй насанд хүрэгч болоход энэхүү эхний долоо хоногт түүнийг хүлээн авсан ертөнц, асран халамжилах хүний харилцаа шийдвэрлэх үүрэг гүйцэтгэдэг болохыг эрдэмтэн судлаачид тогтоожээ. Хэрэв найдвартай, халамжтай хүмүүсээр хүрээлэгдсэн бол уг орчноосоо мөн тийм харилцаанд суралцаж, итгэл хэмээх суурь мэдрэмж нь төлөвшин хөгжинө.

Нялх үедээ хүүхэд өөрөөсөө ээжийгээ салгаж мэдэрч чаддаггүй.

Нялх хүүхэд энэ үед өөрийгөө ээжээсээ салгаж мэдэрч чаддаггүй байна. Ээж нь хүүхдэдээ хэдий чинээ хайр энэрлийг мэдрүүлнэ төдий чинээ өөрийгөө хайрлах, аюулгүй амар тайван, таатай орчинд байгаагаа мэдэрч итгэл төрдөг байна. Үүнийг монголчууд “эхийн сэтгэлийг нь үр нь дагадаг юм, иймээс эхийг нь тайван байлгах хэрэгтэй” гэдэг билээ.

Эх үрийн барилдлага нь нялх насныхны итгэл найдварын суурь мэдрэмжийг эхний 6 сартайд үүрд хоногшуулан үлдээдэг байна.

Хүүхэд өөрийнхөө дүр төрхийг ээжийнхээ халуун дулаан тайван уур амьсгал, хайрлан энхрийлж, өхөөрдсөн дуу авиа, хэл яриагаар аюулгүй амар тайвныг мэдэрэх ба мөн “өөрийгөө үнэ цэнэтэй хүн” хэмээх мэдрэмж тухайн хүүхдэд суурилдаг байна.

• Хэрэв тэдэнд энэхүү мэдрэмж үгүйлэгдэх аваас хайрын “өлсгөлөн”-д нэрвэгдэж, улмаар насанд хүрсэн ч энэ нь дотоод сэтгэл, мэдрэхүйн гүн түвшинд үргэлжилсээр байх болно.

• - Нялх хүүхэд өлсөх, ядрах, тэврүүлэх, хүрэлцэх, унтмаар байгаагаа уйлж илэрхийлнэ. Энэ хэлийг ээж нь мэдэрч ойлгон, зохих хариу үйлдлийг үзүүлэхэд тайвширна. Зарим эцэг эхчүүд үүнийг “эрхэлж байна, тэврүүлээд бүр муу зан сурчихаж” хэмээн ташаа ойлгох нь бий. Эцэг эхийн энэхүү байдал буюу үл тоомсорлох, хаяж явах, өвдсөн үед нь үл хайхрах зэргээр тоомсоргүй хандах нь итгэл найдвараар хөгжих учиртай мэдрэмжийг нь үгүй хийж “шоовдорлогдсон”, “гологдсон” мэт мэдрэмж төрүүлдэг.

• - Мөн хүүхдэд “наалдамхай” зан үйл илэрч болзошгүй. Энэ мэдрэмж нь улмаар насанд хүрсэн амьдралд нь ч сэтгэлийн шарх хэвээр үлдэж, “нарсистик” хэв шинжийн хүн болон төлөвших эх суурь нь болдог байна

• - Хайр халамжгүй, сөрөг нөлөө бүхий “ээж толь” хэмээх эх үрсийн харилцаа нь эмзэг сул хэв шинжийг буй болгоно

• - Ээж нь хүүхдээ нялх байхад нь урт удаан хугацаагаар орхин явбал хүүхдэд энэ нь үлэмж хүндээр тусч, өөрийгөө ээжийнхээ харилцаагаар төлөөлүүлэн мэдрэх барилдлагын үйл явц алдагдан өөрийнхөө тухай төсөөллийг алддаг байна. Үүнийг “тусгаарлагдах түгшүүр” гэдэг. Тэд хамгийн наад зах нь 3 нас хүрч байж сая ээжээсээ тусгаарлагдахад бэлэн болдог байна

Нарсистик /narcissistic/ хэв шинж:

Нялх насандаа итгэл найдварын буюу хайр энхрийлэл, халуун дулаан тогтвортой харилцааны хэрэгцээ нь хангагдаагүй хүн өөрийн тухай төсөөллөө олж чаддаггүй байна. Үүнийг “Би саатал” буюу өөрийгөө алдсан, өөрийгөө хүлээн зөвшөөрөөгүй хүн гэдэг. Үүний үр дагавар нь насанд хүрсэн хойноо бусдын анхаарлыг татах, өөрийгөө бусдаас дээгүүр тавих, хэт төгс төгөлдөр лүү тэмүүлэх, бусдад өөрийгөө хүлээн зөвшөөрүүлэхийн тулд ер бусын онцгой хүний дүрд тоглох, мөрөөдөх, эсхүл хэн нэгэнд хэт их хайр халамж үзүүлэх эсхүл төдий чинээ бусдаас хүсэх гэх мэт зан үйлээр илэрдэг байна.

Ораль /хөхөх/ хэрэгцээ

Ораль шат гэдэг нь хүүхэд төрсөн үеэс эхлэн арван найман сар хүртэлх үеийг хамарна. Нярай хүүхдийн эсэн мэнд байдал нь түүнийг халамжилан асарч байгаа хүмүүсээс бүхэлдээ шалтгаалж энэ хамаарал нь түүний ертөнцтэй харьцах зөн билэгт таашаал авах цорын ганц суваг гэж үздэг. Энэ үед биологийн хэрэгцээгээ хангах, тааламжтай сэтгэгдэл эдлэх үйл явц нь хүүхдийн амны хөндийн эрхтэн системтэй нягт холбоотой гэж үздэг.

Хүүхэд хоол тэжээлээ эхийн хөхөөр болон угжаар авна. Үүний зэрэгцээ хөхөх хөдөлгөөн нь хүүхдэд тун тааламжтай, тайван итгэлтэй байх мэдрэмжийн хүүхдэд төрүүлдэг. Ийм учраас уруул хэл болон бусад бүрэлдэхүүн хэсгүүдийнхээ хамтаар амны хөндий нь бүхэлдээ хүүхдийн идэвхи, сонирхлын гол төв болж байдаг.

Ам бол хүний насан туршид маш чухал дур таашаалын эрхтэн болж үлддэг гэж үздэг. Насанд хүрсэн хойно ч гэсэн бохь зажлах, тамхи татах, хумсаа мэрэх, үнсэлцэх, хоол хэтрүүлэн идэх зэрэг хэлбэрээр ораль /хөхөх/ шатны үлдэгдэл зан үйл илэрч ажиглагдаж байдаг. Энэ бүхнийг Фрейдистүүд либидогийн /бэлгийн/ энерги нь амны хөндийгөөр дамжин илрэх хандлага гэж үздэг байна:

• - Хөхөх хэрэгцээ нь хэвийн хангагдаагүй /хэт цадах эсхүл өлсөх/ байдал нь өөрийгөө ээжээсээ ялгаж салгаж ойлгож мэдрэх хөгжлийн явцад саатал бий болж, цаашид эхийн хайрыг хүсэгч, ямар ч үнээр хамаагүй таашаал авах, орчиндоо дасан зохицох байдал нь итгэмтгий, идэвхигүй, хашир суугаагүй, хэт хамааралтай байдал зэргээр илэрнэ

• - Хөхөх хэрэгцээ нь хангагдаагүй хүүхэд насанд хүрэхдээ бие сэтгэлд үүсэж тогтсон хөөрлөө ямар нэгэн юманд донтох, архи тамхинд татагдах, бусдыг болон өөрийгөө хүчирхийлэн шийтгэх ( өөрийгөө гэмтээх, амиа хорлох оролдлого) шалтгаан болж болзошгүй юм

• - Хөхөө санаж уйлахад нь гэнэт огцом дуугаар аашилж зандрах, гар хүрэх зэрэгт хүүхдийн сэтгэлзүйд цочрол өгвөл өөрийгөө гологдмол, шоовдорлогдсон мэт мэдрэмжийг үүрд үлдээж мэдэх юм

II үе шат. Бага нас.

Энэ үед хүүхэд өөрийгөө бие даасан, чөлөөтэй гэдгийг ойлгон, түүнээ хамгаалан, бусдаас хамааралгүй шинэ “Би”-тэй болсноо нотлохыг хичээнэ. Энэ бүхэн нь хүүхдийг хөлд орсон цагаас эхэлнэ. Ичих, эргэлзэх мэдрэмжтэй болно. Өөрөөр хэлбэл нэг талаас биеэ даахыг эрмэлзэх, нөгөө талаас ичих, эргэлзэх мэдрэмж. Ийм нөхцөлд хүүхдийн бие даах эрмэлзэлийг хэт цээрлэж, хорих нь цаашид үргэлж эргэлзэх, ичих хандлагатай хүн болгон төлөвшүүлэх аюултай.

III үе шат. Зугаацаж, наадах нас.

Энэ шатанд идэвхтэй эрэлхийлэн хэрэгжүүлэх, санаачлага гаргах чадвар бүрэлдэн тогтдог.

IV үе шат. Сургуулийн нас.

Энэ насанд өөрийгөө бусадтай адилгүй зан чанартай байгааг болон бусдаас сул дорой байдалтай байгааг мэдрэх гэсэн хоёр мэдрэмж хэт давамгайлах аюул их байдаг. Эцэг, эхийн халамж, оролцооны тусламжтгайгаар сургуулийн зүгээс тавьж байгаа шаардлагад нийцэхгүй байх нь хүүхдийн хувьд ач холбогдлоо алдаж, гэр бүл нь хамгийн таатай, дотно газар нь болж хувирдаг.

V үе шат. Шилжилтийн нас буюу хямралын үе.

Энэ шатанд хүүхэд нас дуусаж, бие даасан том хүний амьдралд хөл тавихтай холбоотой гүнзгий хямрал үүснэ.

Ер нь эцэг, эхчүүдийн хувьд хамгийн хэцүү үе нь энэ хямралын үе юм. Энэ насанд хүүхдийн бэлгийн бойжилт гүйцэхээс гадна сэтгэл зүйн хувьд насанд хүрдэг. Улмаар энэ насны хүүхэд сэтгэл санаа болон биеийн хувьд өөрийгөө эцэг, эхээсээ тусгаарлаж, холдон өөрийн гэсэн үнэт зүйлс, үзэл бодол, танилын хүрээтэй болохыг эрмэлзэж эхэлнэ. Тун саяхныг хүртэл шимтэн сонсдог байсан эцэг, эхийнх нь үг, бодол үнэ цэнээ алдаж, үе тэнгийнхний нь бодол санаа илүү ач холбогдолтой болж ирнэ.

Насанд хүрч бие даах үйл явц нь хүүхэд болгонд адилгүй. Зарим хүүхэд сэтгэл санааны дотно байдлаа огцом таслаж, хэт түрэмгий байдал гарган бодит шалтгаангүй үгүйсгэсэн харьцаатай болж, юм болгон дээр өөрийн бие даасан, тусгаар байдалтай харуулах гэнэ. Тийм ч болохоор гэр бүлийнхээ уламжлал, дэг жаягийг ямагт эсэргүүцдэг.

Гэтэл зарим нь 16 хүрчихсэн атлаа хүүхдийн тоглоом сонирхсон хэвээр байж, үе тэнгийнхнээсээ дөлөх, багын адил юм болгон дээр том эцэг, эхийнхээ дэмжлэг туслалцааг авах гэх зэргээр өөртөө итгэлгүй байдал байнга гаргадаг эцэг, эхийн санааг багагүй зовоодог.

Ямар ч байсан энэ үед хүүхэд, эцэг эхчүүдийн харьцаанд хямрал үүсдэг. Үүний эцэг эхчүүд бэлтгэлтэй байж, заримдаа наанаа элдэв сөрөг үзэгдэл илэрдэг ч дотроо хүүхдийнх нь ирээдүйд чухал үүрэг гүйцэтгэх эерэг өөрчлөлтүүд гарч байдаг гэдгийг ойлгодог байх ёстой.

Үүнээс гадна дан ганц эцэг, эхчүүдэд төдийгүй хүүхдүүдэд ч хэцүү байдаг гэдгийг мартаж болохгүй. Хүүхэд ба эцэг, эхчүүд хоорондын харьцаа нь ойлголт, ухаалаг хяналт, халамж дээр тогтож байх ёстой. Иймд хүүхдээ тоохоо болих, эсвэл хэт хатуу хяналтанд байлгах нь буруу юм. Хамгийн байж боломгүй зүйл нь сэтгэлийн хэлхээс тасарч, хүүхдийг зөнд нь орхих юм. Мөн түүнчлэн та хүүхдийнхээ хамгийн сайн найз, дотны зөвлөгч нь байх ёстой. Учир нь хүүхдүүд энэ үедээ аль ч тал руу хальтран ороход бэлэн сэтгэлийн хөдөлгөөнтэй, маш олон төрлийн сайн муу зүйлийн сонирхох нь элбэг болдог. Гэхдээ энэ шилжилтийн насан дээр дан ганц муу зүйлийг сонирхоод байдаггүй ба ямар нэгэн хичээлдээ илүү сонирхолтой болох, урлаг спортонд дуртай болох зэрэг сонирхолууд гарч ирдэг. Энэ үед нь сонирхсон зүйлийг дэмжиж түүгээр дугуйлан секцэнд явуулах нь илүү үр дүнтэй байдаг.

Eh survalj: Mama.mn

Хүүхдийн сэтгэл зүй

Хүүхдийн сэтгэл зүй нь үүсээд 100 жил болж байгаа болохоор харьцангуй залуу шинжлэх ухаанд тооцогддог. Дээхэн үед төрөлт их, хүүхдийн эндэгдэл ч их байсан болохоор хүүхэд насыг тэгэсхийгээд л өнгөрдөг, анхаарал татахааргүй зүйл гэж үздэг байсан. Хүүхэдтэй холбоотой түүх, соёлын дурсгал тун цөөн байдаг нь үүний нэг нотолгоо юм.

Бас нэгэн жишээ нь хүүхдийн хувцаслалт гэж үздэг. Хүн аль болох хурдан хүүхэд наснаас гарч, том хүмүүсийн амьдралд хөл тавих ёстой гэж үздэг байсан болохоор хүүхдэд зориулсан тусгай хувцас ч үүсээд хэдхэн зууныг нь үдэж байна.

Хүүхдийн сэтгэл зүй нь бусад бүх сэтгэл зүйгээс шинжилгээний онцгой нэгжээр ялгагдана. Энэ нь нас буюу хөгжлийн үе шатууд юм. Ингэхэд насны тоо ба сэтгэл зүйн нас хоёр нь давхцах албагүй. Дийлэнх тохиолдолд амьтны оюун ухааны хөгжил өндөр байх тусам төрөхдөө бие даах чадвараар дорой байж, хүүхэд нас нь удаан үргэлжилдэг.

Хүүхдийн хөгжлийг тодорхойлогч гол хүчин зүйл нь удамшиж ирсэн өгөгдлүүд үү, эсвэл орчин уу гэсэн маргаан нь конвергенцийн онолыг бий болгосон. Конвергенц гэдэг латинаар ойртуулах гэсэн үгнээс гаралтай болохоор хүүхдийн хөгжилд удамшил, орчин хоёр адилхан нөлөөлдөг гэсэн онол юм.

Сэтгэл судлаач З. Фрейд нь хүүхдийн сэтгэл зүйг ойлгоход маш их үүрэг гүйцэтгэсэн юм. Фрейд нь өөрийн боловсруулсан чөлөөт төсөөллийн аргыг ашиглан насанд хүрэгчдийн сэтгэл зүйг шинжлэх явцдаа сэтгэцийн дийлэнх асуудлын шалтгаан нь хүүхэд насанд авсан сэтгэгдэлд байна гэсэн дүгнэлт хийсэн юм. Түүнчлэн Фрейдын охин Анна Фрейд нь сэтгэгдлийг судлахад тоглоом анхдагч үүрэгтэй гэсэн санааг дэвшүүлж байсан юм.

Хүүхдийн сэтгэл зүйн талаарх Э.Эриксоны байр суурь нь сэтгэл зүйн хөгжлийг үе шатуудад хувааснаараа сонирхолтой юм. Үүнд:

o • I үе шат. Нярайн үе. Энэ шатанд үед хүрээлэн буй орчинд итгэх суурь итгэл бүрэлдэн тогтоно. Иймд хүүхдийг тэвэрч, түүн рүү инээж, бүүвэйлж, түүнтэй ярилцана. Энэ шатанд элдэв цээр, албадлага ашиглалгүйгээр өөртэй нь ингэж харьцаж байгаа нь цаанаа ямар нэгэн утгатай гэдгийг ойлгуулах нь маш чухал. Гэвч амьдрал дээр ямар ч цээр, албадлага ашиглахгүй байна гэж бараг байдаггүй.

o II үе шат. Бага нас. Энэ үед хүүхэд өөрийгөө бие даасан, чөлөөтэй гэдгийг ойлгон, түүнээ хамгаалан, бусдаас хамааралгүй шинэ “Би”-тэй болсноо нотлохыг хичээнэ. Энэ бүхэн нь хүүхдийг хөлд орсон цагаас эхэлнэ. Ичих, эргэлзэх мэдрэжмтэй болно. Өөрөөр хэлбэл нэг талаас биеэ даахыг эрмэлзэх, нөгөө талаас ичих, эргэлзэх мэдрэмж. Ийм нөхцөлд хүүхдийн бие даах эрмэлзэлийг хэт цээрлэж, хорих нь цаашид үргэлж эргэлзэх, ичих хандлагатай хүн болгон төлөвшүүлэх аюултай.

o III үе шат. Зугаацаж, наадах нас. Энэ шатанд идэвхтэй эрэлхийлэн хэрэгжүүлэх, санаачлага гаргах чадвар бүрэлдэн тогтдог.

o IV үе шат. Сургуулийн нас. Энэ насанд өөрийгөө бусадтай адилгүй зан чанартай байгааг болон бусдаас сул дорой байдалтай байгааг мэдрэх гэсэн хоёр мэдрэмж хэт давамгайлах аюул их байдаг. Эцэг, эхийн халамж, оролцооны тусламжтгайгаар сургуулийн зүгээс тавьж байгаа шаардлагад нийцэхгүй байх нь хүүхдийн хувьд ач холбогдлоо алдаж, гэр бүл нь хамгийн таатай, дотно газар нь болж хувирдаг.

o V үе шат. Хямралын үе. Энэ шатанд хүүхэд нас дуус, бие даасан том хүний амьдралд хөл тавихтай холбоотой гүнзгий хямрал үүснэ.

Ийнхүү нэг үе шатаас нөгөөд дамжин хөгжиж буй хүүхдийн сэтгэц нь тухайн үе шатанд ч тэр, дараагийн шатанд шилжихдээ ч тэр нэг цул байдаг тул хүүхдийн сэтгэл зүйг аль нэг үе шатанд нь тусгаарлан, хэсэгчлэн судлах нь зүйд нийцэхгүй.

Ер нь эцэг, эхчүүдийн хувьд хамгийн хэцүү үе нь энэ хямралын үе юм. Энэ насанд хүүхдийн бэлгийн бойжилт гүйцэхээс гадна сэтгэл зүйн хувьд насанд хүрдэг. Улмаар энэ насны хүүхэд сэтгэл санаа болон биеийн хувьд өөрийгөө эцэг, эхээсээ тусгаарлаж, холдон өөрийн гэсэн үнэт зүйлс, үзэл бодол, танилын хүрээтэй болохыг эрмэлзэж эхэлнэ. Тун саяхныг хүртэл шимтэн сонсдог байсан эцэг, эхийнх нь үг, бодол үнэ цэнээ алдаж, үе тэнгийнхний нь бодол санаа илүү ач холбогдолтой болж ирнэ.

Насанд хүрч бие даах үйл явц нь хүүхэд болгонд адилгүй. Зарим хүүхэд сэтгэл санааны дотно байдлаа огцом таслаж, хэт түрэмгий байдал гарган бодит шалтгаангүй үгүйсгэсэн харьцаатай болж, юм болгон дээр өөрийн бие даасан, тусгаар байдалтай харуулах гэнэ. Тийм ч болохоор гэр бүлийнхээ уламжлал, дэг жаягийг ямагт эсэргүүцдэг.

Гэтэл зарим нь 16 хүрчихсэн атлаа хүүхдийн тоглоом сонирхсон хэвээр байж, үе тэнгийнхнээсээ дөлөх, багын адил юм болгон дээр том эцэг, эхийнхээ дэмжлэг туслалцааг авах гэх зэргээр өөртөө итгэлгүй байдал байнга гаргадаг эцэг, эхийн санааг багагүй зовоодог.

Ямар ч байсан энэ үед хүүхэд, эцэг эхчүүдийн харьцаанд хямрал үүсдэг. Үүний эцэг эхчүүд бэлтгэлтэй байж, заримдаа наанаа элдэв сөрөг үзэгдэл илэрдэг ч дотроо хүүхдийнх нь ирээдүйд чухал үүрэг гүйцэтгэх эерэг өөрчлөлтүүд гарч байдаг гэдгийг ойлгодог байх ёстой.

Үүнээс гадна дан ганц эцэг, эхчүүдэд төдийгүй хүүхдүүдэд ч хэцүү байдаг гэдгийг мартаж болохгүй. Хүүхэд ба эцэг, эхчүүд хоорондын харьцаа нь ойлголт, ухаалаг хяналт, халамж дээр тогтож байх ёстой. Иймд хүүхдээ тоохоо болих, эсвэл хэт хатуу хяналтанд байлгах нь буруу юм. Хамгийн байж боломгүй зүйл нь сэтгэлийн хэлхээс тасарч, хүүхдийг зөнд нь орхих юм.

Хүүхэд яагаад хоолонд дургүй болдог вэ?

Бага насны хүүхэд хоолонд дургүй болох маш олон шалтгаанууд байдаг. Үүнд:

• - Хүүхдийн хөдөлгөөн бага байх \идэвхитэй хөдөлгөөн хийхгүй удаан хугацаагаар телевид үзэх, компьютерийн тоглоом тоглох гэх мэт \

• - Хүүхэд ямар нэгэн өвчтэй байх

• - Хэтэрхий их чихэр шоколадаар хооллох

• - Хүүхдийг хэтэрхий их хоолоор шахах \хүүхдийг хоолоор шахах нь хоол өгөхөөр идэхгүй гэсэн рефлекстэй болдог\

• - Хоол түүнд таалагдахгүй байх гэх мэт олон шалтгааны улмаас хүүхэд хоолонд дургүй болдог байна.

Хоол идэх дургүй хүүхдийг дараах байдлаар хоолонд дурлуулж болох юм. Үүний тулд:

1. 1. Хоолныхоо нэр төрлийг олшруулах

2. 2. Хүүхэд гоё чамин зүйлд дуртай байдаг тул ширээ болон хоолныхоо тавгыг чимэглэх

3. 3. Хүүхдээр өөрөөр нь хоолыг нь идүүлэх. Хүүхэд ер нь томчуудыг дуурайх дуртай байдаг, асгаж цутгасан ч хамаагүй танай хүүхэд хоолоо амтархан идэх чухал шүү.

4. 4. Хүүхэд хоол идэж байхад нь анхааралыг нь бүү сарниул. Түүнийг хооллох үед тоглоомыг нь хурааж зурагтаа унтраах хэрэгтэй. Учир нь хооллож байхад хүүхдийн анхаарал нь сарнивал хүүхдийн хоол идэх апетид нь алаг болдог байна.

5. 5. Хүүхдийг өлссөн үед хооллож байх. Манай ээж аавууд хүүхдээ өлсөөгүй байхад хүчээр хоол идүүлэх гээд байдаг. Харин үүний оронд түүнийг тоглуулж хөдөлгөөнтэй байлгаж түүнийг өлсгөж ядраах хэрэгтэй.

6. 6. Хүүхдийг аль болох хөдөлгөөнтэй байлгаж идэвхитэй гүйж харайж, тоглож байх нь хүүхдийн хоол идэх дуршилыг нэмэгдүүлдэг

7. 7. Чихэр шоколад зэрэг чихэрлэг зүйлсийг аль болох бага өгөх. Учир нь чихэр шоколад их хэмжээгээр идсэнээрээ хүүхдийн хоол идэх дуршил нь буурч зөвхөн чихрээр хооллогч болон хувирдаг.

8. 8. Олон нэр төрлийн хоолны фото зураг үзүүлэх хамтдаа хоолны сэтгүүл эргүүлж үзэх хэрэгтэй. Чамин гоё фото зураг нь хүүхдийн апетидыг хөдөлгөдөг байна. Та эдгээр аргыг туршаад үзээрэй танд тус болно гэдэгт итгэж байна.

Хүүхэд өвдсөн үедээ хоолонд дургүй болдог

Энэ үед хүүхдэд хоол идүүлэх гэж шахах хэрэггүй. Ингэвэл дотор нь эвгүйрч, гэдэс өвдөж, бөөлжин, гүйлгэж ч болно. Өвдсөн ялангуяа халуурч буй үед хүүхдэд аль болох их шингэн уулгаж, хөнгөн, хурц биш шингэвтэр зутан маягийн хоол хийж өгөх чухал.

Өвдсөн үед хүүхэд турах нь элбэг байдаг.

Харин та үүнд сандрах хэрэггүй. Өвчин эдгэх үед хоол идэх дуршил нь аяндаа сэргэдэг. Хамгийн чухал хоолонд дургүй байхад нь хүүхдийг хоолоор шахаж болохгүй гэдгийг анхаарах хэрэгтэй. Хүүхэд өвчилсөн үед жимс жимсгэнэ их хэмжээгээр идүүлэх нь чухал.

Ойр ойр өвддөг хүүхдэд илүү анхаарал тавих хэрэгтэй. Жилд дөрөв түүнээс олон удаа өвдвөл хүүхэд турж эцэн, цус багадаж, дисбактериоз үүсч, шүд нь өвчилдөг. Ялангуяа антибиотик эмчилгээ хийлгэсний дараа хүүхдийн бие организмд уураг, өөх тос, аминдэм, эрдэс давсны хэвийн солилцоо алдагдаж, биеийн эсэргүүцэл нь сулардаг юм.

Энэ тохиолдолд яах хэрэгтэй вэ?

Юуны түрүүнд, тодорхой дэглэм сахин зөв хоолло. Хүүхдээ аль болох удаан хугацаагаар салхинд, цэвэр агаарт гаргаж, хөдөлгөөнтэй байлгах хэрэгтэй. Сул биетэй хүүхдийг аль болох амрааж, өдөр унтуулж байвал сайн. Мөн инээлгэж, сэтгэлийг нь сэргээж хөгжөөж байх хэрэгтэй. Хэвтэрийн дэглэм сахиж буй хүүхдийн дэргэд нь байж тоглож саатуул.

Хоол тэжээлийн хувьд аминдэм, эрдэс бодисоор баялаг байх хэрэгтэй. Калорийн хэмжээ нь хүүхдийн наснаас хамаарна.

Амьтны гаралтай уураг хүүхдийн бие организмд онцгой шаардлагатай тул өдөрт хагас литрээс багагүй сүү тараг уулгаж бай. Тараг бол бүр ч сайн. Ойгоос гурван настай хүүхдэд өдөр бүр 50 – 60 грамм, түүнээс дээш насныханд 50 -100 грамм тараг өгөхөд болно. Гэхдээ байнга нэг төрлийн биш, таргаа үрсэн жимс, жимсний шүүс, бяслаг, вареньтай хольж амтал.

Харин уургийн гол эх үүсвэр бол мах. Мах нь фосфор, кали, В-гийн төрлийн аминдэмээр баялаг. Гэхдээ хүүхдэд өөх тос багатай махаар хоол бэлтгэж өгөх хэрэгтэй.. Бага насны хүүхдийн өдөр тутам идэх ёстой хэмжээ нь мах 60-70 грамм, загас 20-30 грамм байдаг.

Хүүхдийн биед өндөг нь 96 – 97 хувь шингэдэг бөгөөд төмөр, кальци, фосфороор тун баялаг. Хоёроос гурван настай хүүхдэд өдөр бүр тал өндөг эсвэл өнжөөд нэг бүтэн өндөг идүүлээрэй. Мөн энэ насныхны өдрийн норм нь цөцгийн тос 15 -20 грамм, ургамлын тос 5–6 грамм байна. Сахарын өдрийн хэрэгцээ 50-55 граммаас хэтэрч болохгүй. Ногоо, жимс, жимсгэнэ бол хоолны дуршил муутай хүүхдэд юугаар ч орлуулшгүй чухал хоол хүнс юм шүү. Ингээд танд амжил хүсье. Танай хүүхэд хоолонд дурлах болно.

Eh survalj: Mama.mn

Хүүхэд хэдэн цаг унтах ёстой вэ?

Хүүхэд хэдэн цаг унтах ёстой вэ?

Бага насны хүүхдийг аль болох урт хугацаанд унтуулж байх нь чухал байдаг. Учир нь бага насны хүүхэд унтаж байхдаа өсдөгтэй холбоотой юм. Дөнгөж төрсөн нярай хүүхэд өдөр шөнөгүй унтаж маш бага хугацаанд сэрүүн байдаг. Учир нь хүүхэд төрөх явцдаа маш их ядарч сульддаг. Мөн хүүхэд томрох тусмаа хамгийн урт унтдаг цаг нь шөнө, сэрүүн байх хугацаа нь уртасдаг байна. Гэхдээ хүүхэд бүр адил биш гэдгийг санах хэрэгтэй. Хэрвээ таны хүүхэд шөнө сэрэхгүй удаан хугацаагаар унтаад байвал санаа зовох хэрэггүй энэ нь хэвийг үзэгдэл юм.

Хүүхдэд өдөр шөнийг ялгуулж сургах

Хүүхдийг бүр нярай байхаас нь эхлэн өдөр, шөнийг ялгаж сурахад нь туслах хэрэгтэй ба ямар цагт унтах, ямар цагт сэрүүн байх тоглох ёстойг нь ойлгуулах чухал юм. Өдрийн цагаар хүүхдийг унтуулахдаа тэрэг, хүүхдийн дүүжин сагс зэрэгт унтуулж байх хэрэгтэй. Хүүхдийн орыг зөвхөн шөнө унтахад нь хэрэглэж байх нь хүүхдийг өдөр шөнийг ялгахад нь тус болдог байна. Унтахад нь хүүхдийн өрөөний гэрлийг унтрааж харанхуй байлгах ба хүүхэд өөрийн ортой бол орон дээр нь унтуулж байх чухал. Хэрвээ хүүхэд шөнө өлсөөд сэрвэл түүнийг хооллохдоо дуу чимээ бага гаргаж хуурайлах хэрэгтэй. Удалгүй таны хүүхэд шөнө хооллох үе биш харин зөвхөн унтдаг үе юм байна гэдгийг ойлгох болно.

Хүүхдийг өдрийн цагаар унтуулах

Хүүхэд 6 сартайгаасаа эхлэн шөнийн нойроо сайтар авч эхэлдэг байна. Учир нь хүүхэд л өдөр нь маш ихээр ядардаг тул шөнө нь сайтар нойроо авдаг болсон байгаа. Гэхдээ хүүхэд сэргэлэн цовоо эрч хүчээ хадгалахын тулд өдрийн цагаар 2 цаг унтах хэрэгтэй.

Хүүхдийн наснаас хамаарч өдөр шөнө унтах цагийн хуваарь өөр өөр байдаг. Дараах хүснэгтээр хүүхдүүдийн унтах цагийн хуваарийг үзүүллээ.

Хүүхэд суулгавал яах вэ?

Хоол боловсруулах доод замын халдварын улмаас суулгалт өвчнүүд үүсдэг

- Халдварыг үүсгэгч гол хүчин зүйл бол вирус боловч нян, шимэгч хорхой мэтийн олон зүйлс суулгалтын шалтгаан болдог.

- Суулгалт өвчин нь ихэнхдээ хүнээс хүнд халдварладаг. Гэвч өвчтэй хүний өтгөнөөр бохирлогдсон хүнсний зүйлс болон усаар дамжин халдварлах нь ч бий.

- Бага насны хүүхдүүд амандаа бохир зүйлс хийх, жорлонд орсны дараа гараа угаалгүй хамт тоглох зэрэгт бие биеэсээ халдвар аван өвдөх нь элбэг.

- Өсвөр насны хүүхдүүд бага насны хүүхдүүдийг бодвол суулгалт өвчнөөр бага өвддөг нь хувийн ариун цэврийг сайн сахиж гараа угаахын ач холбогдлыг ухамсарладагтай холбоотой байдаг. Мөн тухайн үүсгэгчийг бие махбодид нь нэвтрэн ороход түүний эсрэг аль хэдийн дархлаа тогтсон байдаг тул цочмог суулгалттайгаар өвдөх нь бага.

- Суулгалт, бөөлжилт нь бусад эрхтэн тогтолцооны халдварт эмгэгүүд (уушигны хатгалгаа, дунд чихний үрэвсэл г.м), хоолны хордлого мэтийн олон өвчний үед гардаг шинжүүд юм.

Суулгалтын үед ямар шинжүүд илрэх вэ?

Дараах шинжүүд илэрнэ:

- Суулгах: голдуу усархаг байх боловч заримдаа цус, залхагтай байдаг.

- Бөөлжих

- Гэдсээр өвдөх

- Бие сулрах, дотор нь муухайрах, хоолонд дургүй болох

- Халуурах (их өндөр биш)

Дан хөхөөр хооллож буй эрүүл нярайд шингэвтэр баах тохиолдол гардаг. Хэрэв эмгэгээр суулгавал дараах шинжүүд илэрдэг.

- Хөхөө хөхөхгүй дургүйцэх

- Цочромтгой болох

- Унтаарах

2-оос дээш удаа суулгаж байгаа болон бөөлжиж байгаа ямар ч хүүхдийг эмчид үзүүлэн шалтгааныг нь тогтоолгож шингэн алдалтын шинж илэрсэн эсэхийг тогтоолгоно.

Их хэмжээгээр шингэн алдсанаас усгүйжилд ороход эмнэл зүйд ам цангах, шээсний гарц багасан өтгөрөх, хэл уруул омголтож хуурайших шинжүүд илэрнэ. Эдгээр шинж тэмдэг илэрсэн 6 хүртлэх сартай хүүхдэд яаралтай шингэн нөхөх эмчилгээ хийхгүй бол богино хугацаанд хүндрэх аюултай.

Суулгалт өвчнийг яаж эмчлэх вэ?

1. Шингэн нөхөж өг

- Суулгалтын үед хүүхдийн ууж чадах хэмжээгээр шингэн хангалттай уулгах

- Хоолыг сойлгүй ердийн үеийнхээс олон дахин, удаан хөхүүлнэ.

- Шингэн бага багаар ойрхон шимүүлж уулгах

- Хүүхэд бөөлжвөл 10 минут хүлээгээд дахин багаар аажим уулгана

- Суулгалтыг намдтал шингэн хангалттай уулга

Дан хөхөөр хооллож буй хүүхдэд (<6 сар)

- Шингэн сэлбэх давсны уусмал уулгах буюу хөхний сүүн дээр цэвэр буцалсан ус нэмээд угжина.

Холимог хооллолттой хүүхдэд

- Шингэн сэлбэх давсны уусмал болон шинэ бэлтгэсэн хоол буюу буцалсан ус өгөх (шөл, будааны зутан, шинэ тараг)

Ямар хэмжээтэй уулгах вэ?

Ердийнхөөс илүү хэмжээгээр суулгалт бүрийн дараа уулга:

- 2 нас хүртэлх хүүхдэд: 50-100 мл

- 2-оос дээш настай хүүхдэд: 100-200 мл

Шингэн сэлбэх давсны уусмал

Суулгаж буй хүүхдэд уулгахад хамгийн тохиромжтой шингэн бол Шингэн сэлбэх давсны уусмал юм. Учир нь хоол боловсруулах замаар хялбар шимэгдэх боломжтойгоор чихэр, давс, усны орцыг тохируулсан байдаг. Суулгалттай хүүхдийг өрхийн эмч нар үнэ төлбөргүйгээр Шингэн сэлбэх давсны уусмалаар хангах ёстой.

Харин Шингэн сэлбэх давсны уусмал байхгүй тохиолдолд бусад төрлийн шингэнийг шингэлээд уулгаж болно. Гэвч бүх төрлийн хийжүүлсэн ундаа болон жимсний шүүсийг шингэлэлгүй өгөх нь суулгалтыг улам хүндрүүлдэг тул шингэлэхгүй өгч болохгүй. Эдгээр төрлийн уух шингэнд заавал тодорхой хэмжээний ус нэмэх шаардлагатай.

Гэрээр бэлтгэхэд тохиромжтой шингэнүүд:

- 200 мл буцалсан усан дээр 1 цайны халбаг элсэн чихэр хийх

- 6 хуваасны 1-д жимсний шүүс үлдсэн хувьд нь буцалсан ус

- 6 хуваасны 1-д ундаа үлдсэн хувьд нь буцалсан ус

Бага илчлэгтэй болон шингэлээгүй ундаа, жимсний шүүсийг хүүхдэд өгөхгүй байх мөн уух ямар нэгэн шингэнд давс дур мэдэн нэмэхийг хориглоно. Учир нь давсыг хэтрүүлж хийснээр хүндрэлд хүргэх аюултай.

2. Хооллолт

Суулгалттай хүүхдийн хоолыг сойж болохгүй бөгөөд хөхийг ойр ойрхон бага хэмжээгээр өгнө.

- Хүүхдийг суулгаж байхад болон суулгалт зогссоноос хойшхи хэдэн долоо хоногийн хугацаанд аль болох шинэ төрлийн нэмэгдэл хоолонд оруулахгүй байх хэрэгтэй.

- Өөх тос ихтэй болон чихэрлэг зүйлсээс (жимсний шүүс, ундаа г.м) зайлсхийх

- Дараах хүнсний зүйлсийг өгөх нь ач тустай:

- Цагаан будаа, улаан буудай, төмс, талх, хүүхдийн будаа

- Жигнэсэн алим ба лийр, нухсан гадил

- Тослоггүй жигнэмэг, тараг

- Хар мах, загас

3. Хэдийд эмчид буцааж хандах вэ?

Хэрэв таны санаа зовж байгаа ба Хүүхдийн биеийн байдал хүндэрч байгаа, ууж чадахгүй болон хөхөө хөхөхгүй болсон, уухдаа муу, халуурч цустай бааж байгаа бол эмч рүү яаралтай яв.

Суулгалтаар өвдсөн хүүхэд бүр эмнэлгээс гарсаны дараа заавал өрхийн эмчдээ үзүүлж биеийн байдалаа хянуулах ёстой.

Эмнэлэгт эмчлэх:

Хүүхэд уухдаа муу, шингэн алдлатаас усгүйжлийн шинж тод илэрсэн бол хүүхдийг зайлшгүй эмнэлэгт хэвтүүлж эмчлэх хэрэгтэй.

- Хамрын гуурсаар хооллох: хамраар дамжуулан ходоод руу гуурс оруулаад түүгээр шингэн өгнө.

- Судсаар шингэн өгөх: хураагуур судсаар шингэн нөхөх шаардлага гардаг.

- Антибиотек: хүүхэд цусаар бааж байвал эмчийн заавраар антибиотек хэрэглэж болно.

Эмчлэгч эмч дээрх эмчилгээнүүдээс таны хүүхдэд шаардлагатайг хийнэ.

Халдварыг хэрхэн зогсоох вэ?

Суулгалт нэг хүүхдээс нөгөө хүүхдэд их амархан халдана. Өөрсдөө болон гэр бүлийнхэнээ суулгалт өвчний халдвар авахаас дараах аргаар сэргийлж болно.

- Хувийн ариун цэврийг дээд зэргээр сахин гараа сайтар угаах: Ялангуяа жорлонд орсоны дараа хоол бэлдэхийн өмнө гараа сайн угаах нь чухал

- Бусад хүүхдээс аль болох хол байлгах: Суудгалт болон бөөлжилт нь бүрэн эдгэртэл нь хүүхэд олноор цуглардаг газар аваачихгүй байх хэрэгтэй.

Хүүхэд суулгаж өвдвөл яах вэ?

Харуилсан Ariuka -

Мэргэжилтнүүдийн тайлбарласнаар хүүхдийн хоол боловсруулах хэвийн тогтолцоо нь алдагдсанаас суулгаж эхэлдэг байна. Халууны улиралд элбэг тохиолддог энэ өвчний анхны шинж тэмдэг нь хоногт гурав ба түүнээс дээш удаа шингэн алдаж суулгах явдал ажээ. Холбогдох эмч, мэргэжилтнүүд залуу ээжүүдэд зориулж дараахь зөвлөгөөг өгсөн.

Хүүхдэд энэ өвчин туссан тохиолдолд тураалд орж амархан өвчлөмтгий болох аюултай юм байна. Хүүхдийг хөхөөр хооллохгүй байх эсвэл буруу хөхүүлэх, хөхүүлэхээс өмнө гараа угаахгүй, түүхий ус, мөлхөө хүүхэд газраас бохирлогдсон зүйл олж үмхэх, хоносон хоол идэх зэргээс шалтгаалан суулгалт тусдаг гэнэ.

Суулгалт өвчин тусахаас урьдчилан сэргийлэхийн тулд дараахь зүйлүүдийг мөрдөхөд илүүдэхгүй аж.

1. Хүүхдийг хөхөөр хооллох

2. Хүнсний зөв хадгалсан шинэ бүтээгдэхүүн хэрэглэх

3. Усыг зориулалтын саванд зөв хадгалж буцалгаж хэрэглэх

4. Хүүхдийн хоолыг шинээр бэлтгэж өгөх

5. Хоол хийхээс өмнө гараа угааж хэвших

6. Ялаа батганыг устгах

7. Бие засах газрыг зөв байрлуулж, боловсон хэрэглэх нь суулгалт өвчнөөс сэргийлэхэд тусалж чадна.

Ч.Анна

Суулгалт өвчнөөс сэргийлэх

Хүүхдийн суулгалт өвчнөөс сэргийлэх долоон зарчим байдаг.

1. Хүүхдийг наанадаж 6 сар хүртэл зөвхөн хөхөөр хооллох, боломжтой бол 2 нас хүртэл нь үргэлжлүүлэн хөхүүлэх. Хөхөөр хооллох эрүүл ахуйн шаардлага нь:

• Халдвар авахаас сэргийлж төрсний дараа 20 минут дотор хүүхдийг амлуулах, буцалсан ус, чихэртэй ус, сүүн тэжээл, бусад шингэн зүйл өгөхөөс зайлсхийх.

• Хүүхдийг боломжоор нь олон удаа хөхүүлэх.

• Хөхүүлэхийн өмнө буцалсан усаар эсвэл борын хүчлийн уусмалаар хөхнийхөө товчийг ариутгаж, 2-3 удаа шувтарч саагаад, дараа нь хөхүүлэх.

2. Хүүхдийг нэмэгдэл хоолонд дасгаж оруулах, хоол хүнсийг зөв хадгалж, зөв бэлтгэх

3. Ундны цэвэр ус хүрэлцээтэй хэрэглэх нь суулгах өвчнөөс сэргийлэх гол аргын нэг.

Гэр орны нөхцөлд ундны усыг ахуйн хэрэгцээний, юм угаахад зориулсан уснаас ангид, тагтай саванд хадгалвал ус бохирдохоос хамгаална. Ундны усыг ариун цэврийн хамгаалалтын бүс тогтоогдсон цэвэр эх булгаас авна. Усны эх булгийг бохирдлоос хамгаалж мал амьтад орохооргүй хайс татсан байна.

Ундны усыг зориулалтын нэг ховоо, хувингаар авч цэвэр саванд, сэрүүн газар хадгална. Усны савыг 7 хоног тутам цэвэрлэн, нар салхинд тавьж хатаана. Савыг таглаатай байлгаж, урт иштэй шанагаар хутгаж авах буюу гоожуулж авах цорготой болговол сайн.

Ундны уснаас мал амьтан уух, хүүхэд усаар тоглох, түүхий ус уухаас болгоомжлох хэрэгтэй.

4. Гараа зөв угаах.

5. Жорлон зөв хэрэглэх. Жорлонг салхины дор, нам газар, гэр оронд 20 м-ээс ойргүй барьж үерийн уснаас хамгаалж шуудуу татна.

Гэр бүлийн бүх хүмүүс, хүүхэд, хөгшид заавал жорлонд бие засаж байх ба жорлонг байнга ариутгаж халдваргүйжүүлэх бодис хэрэглэнэ. Боломжтой бол хүүхдийн жорлонг тусад нь барь.

Жорлон байхгүй бол:

• Ундны усны эх булгаас 10 м-ээс дотогш, гэрийн ойролцоо, хүүхэд тоглодог газар бие засахыг хориглоно.

• Баасыг дарж булна.

• Хүүхдийг ганцааранг нь ил задгай бие засуулж болохгүй.

6. Хүүхдийн баасыг цэвэрлэж зайлуулах. Зарим хүмүүс хүүхдийн баас халдваргүй гэж буруу ойлгодог. Нялх хүүхдийн баас ч гэсэн бусад хүмүүст гэдэсний халдвар тараах аюултай учир эрүүл ахуйн шаардлагын дагуу хурдан зайлуулах хэрэгтэй. Хүүхдийн баасыг тэр дор нь цэвэрлэж заавал жорлонд хийнэ. Хүүхдийг хөтөвчинд бие засуулж сурган тухай бүр нь баасыг жорлонд хийж, хөтөвчийг угааж цэвэрлэнэ. Жорлон байхгүй бол газар хонхойлж булна. Хүүхдийн бөгсийг сайн арчиж цэвэрлэсний дараа өөрийнхөө болон хүүхдийнхээ гарыг заавал угаа.

7. Улаан бурхан өвчнөөс сэргийлэх тарилга хийлгэсэн бол хүүхэд тань аюулт өвчнөөс сэргийлэгдсэнээр өвчний үед элбэг тохиолддог суулгалт өвчний хүнд хэлбэрээс мөн сэргийлэгдэнэ.

Eh survalj: Mama.mn

Хүүхдийн чихээр хатгуулах

Хүүхдийн чихээр хатгуулах нь олон төрлийн хүчин зүйлээс шалтгаалдаг. Чихээр хатгах нь ихэвчлэн нярай болон бага насны хүүхдүүдэд элбэг тохиолддог өвчлөл юм. Учир нь хүүхдүүдийн сонсголын гуурсны онцлогоос хамаардаг байна. Хүүхдийн сонсголын гуурс өргөн, богино хөндлөн байрлах ба зөөлөн эдээр баялаг байдаг. Иймд залгиур болон хамарт байгаа нян нь хялбархан дунд чих рүү дамжин орох боломжтой. Ингээд дунд чихэнд орсон нян тэнд үрэвсэл үүсгэн хавагнуулснаас гуурс битүүрч түүгээр агаар орох боломжгүй болно. Ингэснээр дунд чихнээс ялгарах шингэн зайлуулагдаж чаддаггүй үрэвсэж хүүхдийн чих өвддөг байна. Нярай хүүхдийн чихээр хатгах нь дараах шалтгаануудаас үүдэн өвчилдөг. Үүнд:

• Ханиад томуугаар өвчлөх

• Улаан бурханаар өвчлөх

• Ягаан эсэргэнээр өвдөх

• Төрөх үед хүүхдийн дунд чихний хөндийд ургийн ус орсноос

• Хүүхдийн чихийг бөглөлгүйгээр гадуур салхинд гаргах зэргээс шалтгаалан хүүхдийн чих өвдөг байна.

Хүүхдийн чих өвдөхөд дараах шинж тэмдэгүүд илэрнэ. Үүнд:

1. Хүүхэд уйланхай болох

2. Толгойгоо хоёр тийш хөдөлгөж мөрөө шөргөөх

3. Гэнэт уйлах

4. Гараа сарвагануулж чихэндээ хүргэх гэж оролдох

5. Хөхөө хөхөхдөө уйлах. Учир нь сүүгээ сорох залгих явцад чихний хөндийд даралт үүссэнээр чих өвддөг

6. Хамар нь битүүрэх

7. Халуурах, өтгөн нь шингэрэх

8. Чихний арын овгор дээр дарахад уйлах гэх мэт шинж тэмдэгүүд илэрсэн тохиолдолд хүүхдийн чихээр хатгаж байгааг илэрхийлнэ.

Хөхнөөсөө гарсан том хүүхдэд дараах байдлаар шинж тэмдэг нь илэрнэ.

1. 1. Дүлийрэх

2. 2. Чих жингэнэх буюу шуугих

3. 3. Тэнцвэр алдах

4. 4. Сонсгол муудах

5. 5. Цочромтгой болох гэх мэтээр шинж тэмдэг нь илэрдэг байна.

Эмчилгээ

Хүүхдийн чихээр хатгуулж байгаа тохиолдолд даруй эмчлэх нь чухал. Хэрвээ эмчлэхгүй удвал тархины мэнэн өвчинөөр өвчлөх өндөр магадлалтай байдаг. Чихээр хатгуулах өвчинийг дараах байдлаар эмчилнэ.

Эмчид үзүүлэх хүртэл хүүхдийг аль болох тайван байлгаж уйлуулахгүй байх хэрэгтэй. Чихний ард жижигхэн шилэнд бүлээн ус хийж жин тавина. Хамрыг нь сайн цэвэрлэнэ. Шүүс, ус, идээт булингар гарч буй талаар нь хэвтүүлнэ. Өлгийтэй хүүхдийг өлгийдэж шүүс гарч байгаа талаар нь үл ялих хазайлгаж хэвтүүлнэ. Нэн яаралтай мэргэжлийн эмчид үзүүлж зөвлөгөө авах хэрэгтэй. Эмчийн зөвлөгөөний дагуу хүүхдийг эмчилнэ. Эмчийн заавраар өндөр халуурах үед хүүхдэд зориулсан өвчин намдаах, халуун бууруулах лаа эм, чихэнд дусаах дусаагуур хэрэглэж болно.

Урьдчилан сэргийлэх арга хэмжээ:

Хүүхдээ хөхүүлэхдээ аль болох хамрыг ил гаргаж амьгалахад чөлөөтэй байлгах хэрэгтэй. Мөн хүүхдийг хэвтэж байхдаа хөхүүлж болохгүй. Ханиад хүрсэн тохиолдолд хамрыг нь сайтар цэвэрлэж битүү байлгаж огт болохгүй. Мөн хүйтэн сэрүүн, салхитай өдрүүдэд хүүхдийн чихийг сайтар бөглөж гадуур гаргах хэрэгтэй.

Ээжүүдэд анхааруулахад:

Өвдсөнөөс хойш хэдэн долоо хоногийн турш дунд чихний хөндийд шингэн байсаар байдаг. Хэдэн сарын дараа уг шингэн өөрөө аяндаа шимэгддэг. Хэрэв шингэн шимэгдэхгүй бол /хүүхэд их цочромтгой байх, сонсгол нь сайжрахгүй бол / эмчид яаралтай хандах чухал.

Eh survalj: Mama.mn

Хүүхдийн витамины хэрэглээ

Витамин гэж юу вэ?

Витамин буюу амин дэм нь хүнийг эрүүл саруул амьдрахад чухал үүрэг гүйцэтгэдэг байна. Харин эдгээр амин дэм витаминуудыг хоол хүнсээр дамжуулан авдаг. Ингээд ямар хүнсэнд ямар ямар амин дэмүүд байдагийг доор дурьдлаа.

А витамин: Нүд, арьс, шүд болон үсийг эрүүл саруул өсөн бойжиход тусална. Харааг сайжруулахаас гадна мэдрэлийн системийн үйл ажиллагааг идэвхжүүлдэг. Мөн бөөрний чулуу үүсэхээс сэргийлдэг байна. А амин дэм нь малын өөх тос, цагаан идээ болон загасны тосонд ихээр агуулагддаг.

Д витамин: Энэ нь Биед хуримтлагдсан кальц болон фосфорын хэрэглээг идэвхжүүлж яс ургах, бэхжүүлэхэд тустай. Өсч яваа бага насны хүүхэд хэрэглүүлбэл шүд болон ясны хөгжлийг нь хурдасгадаг.

Д витамин нь загасны тос, загасны түрс, үхрийн элэг, тахианы өндөг, талх, пивоны хөрөнгөнд ихээр агуулагддаг. Харин сүү, цагаан идээ, цөцгийн тос зэрэгт бага зэрэг агуулагддаг. Хүмүүс ихэнх Д амин дэмийг нарнаас авдаг. Наранд 30-40 минут л явахад шаардлагатай амин дэмээ нөхөх боломжтой.

Е витамин: Зүрхний өвчин үүсгэхээс хамгаалдаг. Мөн хорт хавдраас сэргийлнэ. Энэ нь Өөх тосонд ихээр агуулагддаг. Харин загасны тосонд огт байхгүй. Мөн ургамлын ногоон навч, үр будаанд ихээр агуулагдах боловч сүү, цагаан идээ, цөцгийн тосонд бага зэрэг байна.

К витамин: Цус өтгөрөлтөд сайн нөлөөтэй. Мөн шулуун гэдсэн дэх бактерийг устгадаг байна. Энэхүү амин дэм нь ургамлын ногоон навч, ялангуяа нарсны шилмүүс, байцаа ээрэгт их агуулагдана. Цагаан будаа, лууван, загасны тос, цөцгийн тос, сүү, тахианы өндөг зэрэгт бага байдаг. Харин элгэнд их хэмжээтэй байна.

С витамин: Утаа болон хортой агаарын нөлөөллийг бууруулна. Ясны эд эсийг бэхжүүлдэг. Түүнчлэн шарх сорвийг хурдан анагаахаас гадна биеийн сулралтай тэмцдэг байна. Энэхүү амин дэм нь нохойн хошуу, чацаргана, аньсны үр жимс, хушга, мах, цагаан идээнд бага агуулагддаг. Гүүний сүү, айрагт нэлээд их байдаг бол гурил будаа, өөх тос, өрөм, бяслаг зэрэгт энэ витамин огт байхгүй. Иймээс хүн өөртөө хэрэглэгдэх С витаминыг их төлөв идэшний ногоо, жимс зэрэг ургамал ногооноос авна.

Р витамин: Мах, ургамал, ногоонд нэлээд байдаг. Цагаан будааны хальс, пиво, талхны хөрөнгө, буудай, арвай, үхрийн элэг зэрэгт их хэмжээтэй агуулагддаг.

В1 витамин: Хоолны дур хүслийг сайжруулж, мэдрэлийн системийн хэвийн ажиллагааг идэвхжүүлдэг нөлөөтэй. В1 витамин нь ургамал, ногоонд ихээр агуулагдана. Цэвэрлээгүй цагаан будаа, үр будааны хальс, талхны хөрөнгө, бүдүүн ширхэгтэй гурилд их хэмжээгээр, булчин мах, сүү, цагаан идээнд бага зэрэг байдаг.

В2 витамин: Бие махбодийн эд эсэд хүч нэмэгдүүлдэг. Нүдний эрүүл мэндийг хадгалж арьс, хумс, үсийг ургуулдаг. Нөгөөтэйгүүр амны шарх зэргийг түргэн эдгээхэд тустай. Ер нь төмөр дутагдсан хүн хэрэглэвэл зохино. В2 амин дэм нь талх, пивоны хөрөнгө, арвай буудай, цагаан будааны хальс, вандуй, ногоон сонгино, үхрийн элэг, бяслаг зэрэгт нэлээд их байна. Жимс, ногоонд бага зэрэг байна.

В6 витамин: Энэхүү амин дэмийг ялангуяа хөл хүнд эмэгтэйчүүд хэрэглэвэл зохистой. Жирэмсний хордлого тайлах үйлчилгээтэй. В6 витамин нь цагаан будааны хальс, буудай, вандуй, пиво, талхны хөрөнгө, малын элэг, бөөр, маханд их байдаг.

В-12 витамин: Ургамал ногоо, жимсний зүйлд байдаггүй. Харин мах, ялангуяа элгэнд их байдаг.

Витамин дутагдахад ямар шинж тэмдэг илэрдэг вэ?

А витамин - дутагдвал үс өнгөө алдаж хэврэгших ба арьс хуурайшин үрчлээтнэ. Нүдний хараанд нөлөөлж, оройн цагаар юм харах нь муудах зэрэг шинж тэмдэг илэрдэг.

Д витамин – дутагдвал хүүхдийн нойр муудаж, цочин сэрэх, уйламтгай, хоолонд дургүй болж цаашдаа сульдаа өвчинд шилжинэ. Сульдаа нь ялангуяа өвөл, хаварт цөөнгүй тохиолдоно, Хүүхэд шүдлэх, зулай битүүрэх нь саатаж, яс нь зөөлөрч муруйна. Мөн хүүхдэд Д амин дэм дутагдсанаар архит гэх яс нь бат бөх чанараа алдаж хөл нь майга, толгой нь хэлбэрээ алдах зэрэг шинж тэмдэгүүд илэрдэг. Насанд хүрсэн хүнд Д витамин дутагдвал яс зөөлөрч сийрэгжин, бэртэж хугарахад амархан болдог.

К витамин - бие мах-бодид дугагдах явдал ховор тохиолдоно. К витамин дутагдахад арьсан дор болон булчин, ходоод, гэдэс бусад эрхтэнд цус харвана.

В1 витамин – дутагдвал хоол унданд дургүй болж, эцэж туран, амархан ядрах, юмнаас айж цочих, уур уцаартай болох, толгой өвдөх зэрэг шинж тэмдэг илэрнэ.

В2 витамин – дутагдвал бие суларч, хоолонд муудаж, жин буурна. Мөн нүд аргаж улайх, гялбаж нулимс гоожно.

В6 витамии - дутагдвал үс унаж, арьс загатнан, улайж шархлана.

В12 витамин - дутагдвал цус төлжих нь саатаж, цус багадах учир хоолонд дургүй болж бие суларч, амархан ядарч, арьс цонхийно.

Р витамин – дутагдвал ам цангах , шингэн ихээр уух, шүлс гоожих, тэнхээ тамир алдаж суларна. Хоолонд муудаж сулрах, толгой өвдөж, нойрондоо муу болно. Амны хөндийн салст бүрхүүл, хэл хэсэг газар улайж цаашдаа шархлана. Арьс ширүүн болж гар хөл, хүзүүний арьсан дээр эхлээд улаан толбууд гарч дараа нь шархалж яршдаг.

С витамин - дутагдвал бие суларч, нойр хүрэх, тэнхээ тамир алдарч амархан ядрах, турж эцэх, нүүр гарын арьс цайрч, хуруу хумс, уруул зэрэг газраар хөхөвтөр толбо үзэгдэнэ. Уруул буйл хөхрөн хавдаж, цус гарах, шүд ганхаж өвдөх, цаашдаа булчин үе мөч өвчтэй болж, арьсан дээгүүр жижиг цус харваж хөх толбууд бий болно.

Хүүхэд хоол унданд дургүй болох нь витамин дутсаны хамгийн анхны шинж тэмдэг юм. Хоол идэх дур ихэсгэхэд натри, цинк хоёр маш чухал. Натри нь сардин загас, бяслаг, дарсан байцаанд байдаг бол цинк нь буудайн иш, буудайн vр хулууны vр наран цэцэг болон бусад ногоонд ихээр агуулагддаг.

Хэрвээ хvvхдийн тань толгой дээр шар тослог хайрс шиг зvйл гарсан бол В12, (кобаламин) В6 F витамин дутагдсаны шинж. Өөр нэг чухал бодис хагас ханасан тослог хvчил болох линол болон лиолений хvчил юм. Эдгээр нь ургамлын тос, шошийн тос, миндал, грек самар, царс модны самар болон авокадо жимсэнд агуулагддаг. Витамин В12 нь В бvлгийн витаминууд дундаасаа минерал элемент агуулдагаараа ялгаатай. Хvний биед багахан хэмжээгээр өдөр бүр хэрэгтэй байдаг. Гэвч уг витамин нь хоёр дутагдалтай. Энэ нь цус багадах болон нервний ачааллыг ихэсгэдэг. Кобаламин буюу В12 витамин нь зөвхөн амьтны гаралтай бvтээгдэхvvнд агуулагддаг бөгөөд элэг, бөөр улаан махыг аль болох амттай харагдахаар бэлтгэж, бага зэрэг хуурч өгөх хэрэгтэй. (vхэр гахай, єндєг, бяслаг сvv нь В12 витаминаар баялаг байдаг. 4-6 настай багачуудын єглєєний цайны ширээн дээр єндєг заавал байх ёстой. Мєн єглєєний цайнд элэгний нухаш, эсвэл 50 гр vхрийн махыг соустай єгч болно. Хvvхдvvд элгэнд дургvй байдаг учраас.) Сургуулийн ємнєх насны хvvхдэд єдєр бvр 500-600 гр сvv болон сvvн бvтээгдэхvvн хэрэглэх ёстой тул эдгээрээр сайн хангаж өгөх нь чухал. Хүүхэд өдөр бүр зохих ёстой витамин амин дэмээ авч чадаж байх юм бол таны хүүхэд эрүүл саруул, цовоо сэргэлэн өсөх болно. Ингээд танай гэр бүлд аз жаргал эрүүл энхийг хүсэн ерөөе.

Eh survalj: Mama.mn

Хүүхдийг чийрэгжүүлэх

Монголчууд бид эрт дээр үеэс хүүхдээ нар, агаар, ус зэрэг байгалийн хүчин зүйлээр чийрэгжүүлж ирсэн уламжлалтай. Хүүхдийг ингэж чийрэгжүүлэх нь хүүхэд халуун хүйтэнд хэт цочромтгой бус дархлаа сайтай эрүүл чийрэг болон өсөн торнидог байна.

Агаараар чийрэгжүүлэх нь:

Бага насны хүүхдийн өсөлт хөгжилтөнд агаар салхи бол зайлшгүй чухал зүйл юм. Мөн түүнчлэн агаар салхи нь ямар үнэ төлбөргүй учир эдийн засгийн хувьд хэмнэлттэй байдаг. Иймээс хүүхдийг дулааны улиралд 1-3 настайд өдөрт 3-4 удаа 15-20 минут салхинд гаргах чухал ба харин хүйтний улиралд буюу \-15,-18 градус хүйтэн байх тохиолдолд салхинд гаргахгүйгээр хүүхдийн өрөөний салхивчийг онгойлгож агаар салхи оруулж байх нь чухал юм\. Мөн түүнчлэн хүүхдийг төрсний дараагаар хуурайлах бүрдээ 1-3 минут нүцгэн байлгах хэрэгтэй ба хүүхэд томрох тусам задгай байх хугацааг нэмэгдүүлж 10-15 минут хүртэл нэмэгдүүлэх боломжтой юм. Хүүхдийг хүйтэн сэрүүний улиралд гарч салхилуулахдаа хэт удаан байлгаж болохгүй ба гадаа хүйтэнд удаан уйлуулах нь хүүхэд хүйтэн агаар залгиж уушги үрэвсэх магадлалтай байдаг байна.

Агаарын засал

Энэхүү агаар засал гэдэг нь хүүхдийг 2 сартайгаас нь эхлэн өрөөний темпратурыг нэмэх 19-өөс нэмэх 15 градус хүртэл буулгаж хүүхдийн хувцасыг нимгэлэж өрөөний агаарт дасгахыг хэлнэ. 2 сартай хүүхдийг 18-19 градус темпратурт 3 нас хүрэхэд нь өрөөний темпратурыг 15-16 градус дулаантай болгох хэрэгтэй ба эхний агаар заслыг 3-5 минутаас эхлээд 30-45 минут хүртэл хугацааг сунгана. Ингээд агаар заслын эхний өдөр хүүхдийг майк, өмд, оймс, жижиг шаахайтай байлгана. 3-4 долоо хоногийн дараагаар зөвхөн майк улавчтай байлгах ба энэ үед хүүхэд чөлөөтэй идэвхитэй тоглож байх нь чухал юм.

Наран шарлага

Хүүхдийн биеийг наранд шарсанаар хүүхэд өөрт шаардлагатай Д амин дэмийг авдаг байна. Мөн түүнчлэн хүүхдийн цусны найрлагыг сайжруулж гадны хортой нөхцөлд хүүхдийн арьсыг бэлддэг ба рахитнаас урьдчилан сэргийлдэг байна. Наран шарлагыг хүүхдэд 4 сартайгаас эхлэн хийж эхлэх хэрэгтэй ба өглөөний 11 цаг, оройн 17 цагийн наранд хүүхдийг шарах нь үр дүнтэй байдаг байна. Эхлээд хүүхдийг наранд шарахдаа нэг минут нуруугаар нь, дахиад нэг минут хэвлийгээр нь нар луу харуулж хэвтүүлнэ. Энэхүү наранд шарах хугацааг 2 хоног бүрт нэг минут нэмэгдүүлсээр нэг ой хүрэхэд 20 минут хэртэй наранд шардаг байх хэрэгтэй. Ингээд нэгээс дээш насанд 30 минут, хэрвээ таны хүүхэд хөхдэг бол хөхүүлэхээсээ өмнө 30 минутын өмнө хөхүүлсний дараа 1-1,5 цагийн дараа наранд шарах нь үр дүнтэй байх болно. Хүүхэд бүтэн зуны турш 25-30-аас ихгүй наран шарлага хийсэн байх шаардлагатай. Ийнхүү хүүхдийг наранд шарж байхдаа хүүхдэд цагаан малгай өмсгөж, буцалсан ус сайн уулгах хэрэгтэй ба наранд унтуулж огт болохгүй. Наран шарлага нь хүүхэд бүрт тохиромжгүй тул мэргэжлийн эмчээс зөвлөгөө авах хэрэгтэй шүү ээжүүдээ.

Усан засал

Усан засал нь хүүхдийн амьсгалын дээд замын судаснууд хүчтэй агшихгүй байх ба хүүхдэд салхид цохиулах хатгалгаа тусах аюулаас урьдчилан сэргийлж чаддаг байна. Энэхүү усан засал нь усанд оруулах, усан арчилт, усан шавшлага, хөл угаах зэргээс бүрдэнэ.

Усанд оруулах

Нярай хүүхдийг цэвэр байлгах хэрэгтэй. Учир нь хүүхдийн арьс маш эмзэг зөөлөн байдаг тул хөлрөх, шүлс гоожих, шээх зэрэгт арьс нь цочирч улайдаг байна. Гэхдээ нярай хүүхдийн хүйг цөглөж гүйцсэний дараа усанд оруулах хэрэгтэй. Хүйн цөглөөгүй тохиолдолд хүүхдийг зөөлөн хөвөн даавуун алчуурыг буцалсан бүлээн усаар норгож биеийг нь зөөлөн арчиж цэвэрлэх хэрэгтэй. Нярай хүүхдийн нүүр гар зэргийг цэвэрлэхээс гадна түүнийг хуурайлах бүрдээ биеийн арьсыг цэвэрлэж байх ба нугалаа ихтэй \суга, цавь, хүзүү, гуя, чихний ар, бэлэг эрхтэнг\ хэсгийг илүү сайн цэвэрлэх ёстой. Ингээд хүйн цөглөсний дараа хүүхдийг бүтэн биеэр усанд оруулах хэрэгтэй. Тиймээс дараах зүйлсийг урьдчилан бэлдсэн байх шаардлагатай. Үүнд:

• - Хүүхэд усанд оруулахад тохиромжтой зориулалтын банн

• - Зориулалтын баннандаа ёроолоос нь дээш 10-15 см орчин буцалгаж хөргөсөн ус хийх ба усны темпратур нь 37С байна. Эхний 6 сар хүртэл ийм темпратуртай байх бөгөөд 6 сараас дээш сартай хүүхдэд 36С байна.

• - Хөвөн даавуун зөөлөн алчуур

• - Усанд орсны дараа өмсөх угаасан хувцас

• - Дулаан өлгий биеийн шингэн саван, хүүхдийн тос зэргийг бэлдсэн байх шаардлагатай.

Хүүхдийг дараах дарааллаар усан оруулах нь хэрэгтэй.

Хүүхдийг усанд оруулах гэж хувцасыг нь тайлахдаа хаалга цонхоо хааж салхи оруулахгүй байх нь чухал ба хүүхэд усанд оруулах тасалгааны темпратур нь 22С байх хэрэгтэй.

• - Хүүхдийн чихэнд ус оруулахаас сэргийлж ургамалын тосонд шингээсэн \гэхдээ тосыг сайн шахаж гаргасан байх\ хөвөнгөөр чихийг нь бөглөх

• - Хүүхдийг хөлнөөс эхлээд угааж эхэлдэг. Нэг гараараа хүүхдийнхээ хүзүү толгойг түшиж хөлнөөс эхлээд толгой хүртэл угаана

• - Хүүхдийн зориулалттай зөөлөн савангаар бүх биеийг нь жигд савандах ба биеийн нугалаа ихтэй газрууд болох хүзүү, цавь, суга, чихний ар тал, хөл гарын хуруунуудын хоорондох, бэлэг эрхтэнг сайтар угаах нь чухал

• - Нүдэнд нь савангийн хөөс орохоос сэргийлж хүүхдээ дээш харуулж байгаад духнаас нь дагз руу чиглүүлж угаах хэрэгтэй

• - Хүүхдээ усанд оруулж дууссаны дараа дээрээс нь бүлээн усан гоожуулж саванг арилгадаг.

Ус нь хүүхдийн биеийг бүрэн далдаж байх хэрэгтэй ба нэг нас хүрэхэд өнжөөд нэг удаа усанд оруулах, 1-3 насанд долоо хоногт 2-3 удаа, 4-өөс дээш насанд долоо хоногт нэг удаа усанд оруулна. Хүүхдийг уснаас гаргахдаа анх оруулсан уснаасаа 1-2 градус хүйтэн ус дээрээс нь гоожуулах ба ингээд хуурай зөөлөн алчуураах биеийг нь арчина.

Усан арчилт

Энэхүү усан арчилтыг хүүхдийг 5 сартайгаас эхлэн хийх хэрэгтэй бас зөөлөн үсэрхэг даавуун алчуурыг 36 градусын усанд базаж биеийг арчиж эхэлнэ. Дараах дарааллаар арчилтыг хийнэ. Хөлийн ул, эрээн булчин, гуя, гар, хэвлий, нуруу, цээж, хүзүү гэсэн дарааллаар усан арчилтыг хийнэ.

Энэ үед танай гэрийн дулаан 20 хэмээс доошгүй байх хэрэгтэй ба мөн анхны усан арчилт нь 36 градус байсан бол аажимаар усны темпратур буурч 30-33 градус болно.

Усан шавшлага

Хүүхдийг нэг наснаас нь эхлэн энэхүү усан шавшлагыг хийж эхэлдэг байна. Янз бүрийн хувин болон төрөл бүрийг хутгуураар ус хутгаж хүүхдийн дээрээс асгана. Ингэж усан шавшлагыг 1-2 минут хийгээд хүүхдий арьсыг улаан болтол нь зөөлөн алчуураар үрээд дараа нь дулаан хувцаслах нь чухал юм. Хүүхдийн дээрээс ус хийхдээ толгой дээрээс нь хийж болохгүйг анхаарах хэрэгтэй.

Хөл угаах

Хүүхдийн хөлийг угаахдаа нэг нас 6 сартайгаас 2 насны хооронд угааж эхлэх ба унтахын өмнө угаана. Хүүхдийн хөлийг угаахдаа 35-36 градус байх ба цаашид 3-4 хоног тутамд усныг темпратурыг нэг градусаар буулгасаар байгаад 18-22 градуст хүргэнэ. Хөлийг угааж эхлэхдээ дулааны улиралд эхлэх хэрэгтэй.

Eh survalj: Mama.mn

Хүүхдийг хэрхэн тосож сургах вэ?

Монголчууд хүүхдийг багаас л тосож сургадаг байсан. Учир нь хүүхдийн арьс гэмтэхээс урьдчилан сэргийлэх, хүүхдийн давсагны үйл ажиллагааг сайжруулах зэрэг сайн талтай байдаг байна.

Одоо үед живхийг ихээр хэрэглэдэг болсонтой холбоотойгоор хүүхдийг тосож сургах нь цөөрсөн. Хүүхдийн живх тэр бүр хэрэглэх нь хүүхдийн арьсанд харшил өгөх, шээсээ хянах тал дээрээ асуудалтай болдог. Тиймээс хүүхдийг тосож сургах нь чухал юм. Ингээд та залуухан аав ээжүүдэдээ тус болох зорилгоор дараах зөвлөмжүүдийг орууллаа. Танд амжилт хүсье.

1. Хүүхдээ төрсний дараагаас эхлээд хүүхдийнхээ бие засах хугацааг тэмдэглэж байх. Хөхөө хөхсөний дараа, бас сэрсэнийхээ дараа хэдэн минутын дараанаас ямар давтамжтай шээж байна, гэх мэтээр тэмдэглэгээ хөтлөх.

2. Унтаад сэрсэнийхээ дараах 2-3 цагт ямар давтамжтай шээж, бааж байна вэ гэдгийг нь ерөнхийд нь мэддэг болохыг хичээх хэрэгтэй.

3. Өтгөнөө гаргахын хувьд бол хүүхэд бүр өөр өөр байдаг ба болж л өгвөл хүүхдийнхээ өтгөнөө гаргах дэглэмийг мэдэж авахыг хичээгээрэй. Хөхөөрөө хооллодог хүүхэд тэжээлээр хооллодог хүүхдийн өтгөнөө гаргах дэглэм нь өөр өөр байна гэдгийг ч анхаарах хэрэгтэй.

4. Хүүхдийнхээ шээх, өтгөнөө гаргах дэглэмийг тодорхой хэмжээгээр мэдэж авсан бол одоо дараагийн шатандаа орно. Шээх юмуу баах цаг нь болохоор одоо тосоод бай.

5. Нуруугаар нь цээжиндээ тулгаад, гарынхаа шуугаар хоёр талаас нь тулаад, хоёр гараараа гуянаас нь сайн бариад тосоорой.

6. Энэ байрлалаар хэд хэд тосоод ирэхээр хүүхдэд одоо бие засах боллоо гэсэн дохио болдог болно. Эхэндээ яг тосуулж бие засаж суртал нь живхийг хийх хэрэгтэй болно байх, яваандаа сураад ирэхийн хэрээр живх хийхгүй болно байхаа.

7. Хүүхдээ тосохдоо “цс-цс-цс” ч юмуу, зүгээр “ шээгээрэй- шээгээрэй” гэх ч юмуу чимээг сонгож ашиглах хэрэгтэй. Ямар ч дууг сонгож хэрэглэсэн ч тэр дуу чинь тосох бүрт шээх дохио болно.

8. Тосоод шээж баахгүй ч юмуу эсвэл орон дээрээ шээж баасан ч битгий шийтгээрэй. Хүүхэдтэйгээ ойлголцож байж тосуулж шээж сурна.

9. Тосохоо үргэлжлүүлээд л байгаарай. Хүүхэд хөдөлгөөнд ороод ирэх үеэр хүүхэд тань горшоконд суухад илүү амар байх болно. Хүүхэд болгоны онцлог өөр өөр байдаг болохоор та өөрийнхөө туршлагаас хуваалцаарай.

Хүүхдээ горшокон дээр суулгах арга

1-р алхам: Хамгийн түрүүнд хүүхэд чинь горшоконд суух нас болсон уу, эсвэл горшоконд суухыг хүсч байна уу гэдгийг мэдэх хэрэгтэй. Та өөрөө л ингэж горшокон дээр суулгахыг хүсч байгаа бол, бас хүүхэд чинь горшокон дээр суухыг хүсэх хүртэл нь хэсэг хугацаанд хүлээгээрэй. Хүүхэд бүрийн давсагны хөгжил янз бүр байдаг. Тийм болохоор бэлэн болтол нь хэсэг зуур хүлээгээрэй.

2-р алхам: Олон хүмүүс хүүхдээ 45 минут тутамд горшокон дээр суулгах замаар хүүхдээ сургаж эхэлдэг. Заримд нь энэ арга тохирдог ч заримд нь тохиромжгүй байдаг.

3-р алхам: Горшокны хажууд дотуур хувцасгүй нь байлгаад үзээрэй. Энэ нь горшоконд бие засдаг гэсэн дохио болж болно.

4-р алхам: Хүүхдээ дэлгүүр рүү хамт дагуулан явж хүүхдийн горшок, дотуур хувцас өөрсдөөр нь сонгуулаарай. Гэртээ ирээд горшокийг нь өөрсдөөр нь зураг зуруулж, наалддаг зураг наалгах, нэрийг нь бичих зэргээр гоёж чимэглүүлээрэй. Шинээр авсан дотуур хувцасыг нь горшокон дээрээ суусных нь дараа өмсгөнө гэж хэлээрэй.

5-р алхам: Горшокон дээр сууж байхад нь гоё зурагтай ном харуулах, үзүүлэх эсвэл тэрнээс нь уншиж өгч байгаарай. (уг номоо бусад үед нь үзүүлэхгүй, зөвхөн горшокон дээрээ суухад нь үзүүлээрэй.) Бас хүүхэлдэйн кино үзүүлж болно шүү дээ.

6-р алхам: Горшокон дээр суухад нь наалддаг зураг, чихэр өгөхийн зэрэгцээ горшоконд сууцгаая гэсэн хөгжөөнтэй бүжиг бүжиглэх зэрэг урамшууллын арга хэрэглээрэй. Хүүхэд болгоны онцлог өөр өөр байдаг болохоор та өөрийнхөө туршлагаас хуваалцаарай.

Eh survalj: Mama.mn