Зөв амьдрах хэв маяг

Өөрийн хүсэл мөрөөдлийн талаар урьдчилж ярьвал хар цагаан хэл ам тусна! 

• Биелэгдээгүй, хэрэгжээгүй зүйлийн тухай бусдад мэдэгдэх нь тийм сайн биш гэдгийг анхаараарай.
• Би тийм ажил хөөцөлдөж байна. Бүтэхгүй л байх даа. Би үүнийг бүтнэ гэдэгт эргэлзэж байна... гэх мэтчилэн эргэлзэж тээнэгэлзсэн.
• Амжилтгүй болохыг өөрөө урьдчилаад зөгнөж ёрлосон үг яриа бүү хэрэглэ.
• Зорилгодоо хүрэхийн тулд гагцхүү анхаарлаа төвлөрүүл.

 Сөрөг энергитэй хүнээс ямагт зайгаа барьж хол хөндий яв! 

• Хэн нэгэнтэй харьцахад тааламжгүй мэдрэмж төрөх юм уу харьцсаны дараа ядрах, бухимдах, ажил бүтэхээ болих гэх мэт элдэв зүйл тохиолдох нь бий. Үүнийг зөвхөн стресстэй холбон ойлгож болохгүй.
• Хэрэв таньд иймэрхүү шинж тэмдэг илэрвэл ямар хүнтэй харьцсан, юу ярьснаа эргэн бодоорой.
• Үнэхээр тийм сэжиг төрвөл дахин тэр хүнтэй харьцахаас аль болох зайлсхий.
• Ямар нэгэн учир шалтгаан хэлэх нь зүй. Учир нь сэтгэлзүйн вампир буюу хар энергитэй хүн байдаг нь шинжлэх ухаанаар нэгэнт тогтоогдсон зүйл.

Хийж бүтээхээр санаж, бодож яваа ажлаа урьдчилан төлөвлөж бай! 

• Амьдралаа эмх цэгцтэй байлгая гэвэл хийж бүтээхээр санаж бодож яваа бүхнээ бодож төлөвлөж бай.
• Бүх зүйлээ бодож төлөвлөснөөр та олон зүйлд самгардахаа болино.
• Төлөвлөснөө тэмдэглэж болно. Тэмдэглэл хөтлөхдөө ач холбогдолгүй, эрээвэр хураавар зүйл бичихээс зайлс хийгээрэй.
• Олон зүйл бичиж толгойгоо эргүүлснээс зөвхөн хийх, бүтээх ажлаа тодорхой төлөвлөн бичих нь чухал.

 Хун бүрт таалагдах албагүй гэдэг үгийг ямагт санаж яв! 

• Аливаа зүйл дээр огт татгалзаж чадалгүй юм л бол "за" хэмээн хүлээн зөвшөөрч байдаг хүмүүс бий.
• Аливаа гуйлт, хүсэлтийг биелүүлэх, ам өгөхийн өмнө бүтээж чадах эсэхээ сайтар тунгаах нь зүйтэй.
• Хэрэв хүсэлт таалагдахгүй байвал "үгүй" гэж хэлж сур.
• Биелүүлэх боломжтой байлаа ч өөрөө хүсэхгүй байвал түүнд "үгүй" гээд хэлчихэж чаддаг бай. Эрс шулуун зан гаргах нь цаад хүндээ ч амар.

 /Хань/